Kirkjan með athyglisbrest?
Pétur Björgvin @ 08.40 4/2/12
Dr. Sigurður Árni Þórðarson spyr í gærkvöldi á kosningasíðuna sinni:
Er kannski athyglisbrestur einn meginvandi okkar kirkju?
Þetta er þörf spurning og stór vandi ef satt reynist fyrir kirkjuna, verkefni sem þarf að taka markvisst á svo að unnt sé að vinna að leiðréttingu. Ég er ánægður með Sigurð að velta þessu upp. Hann segir svo síðar í pistlinum:
Að vera biskup er að vera episkopos, sá eða sú sem sér, horfir til, iðkar tilsjón. Að vera biskup er að veita athygli – næma athygli.
Ég viðurkenni að ég þekki raddir innan kirkjunnar sem álíta að þegar kirkjan fari að hlusta á fólkið af einhverju marki, þá sé hún farin að eltast við populisma. Ég er þessu ekki sammála, ég tel að við þurfum að vinna gagngert í því að hlusta á fólkið. Fyrir allmörgum árum tók ég þátt í verkefni í Þýskalandi sem kallaðist ,,Neuer Anfang” og fólst í því að sjálfboðaliðar í viðkomandi sóknarkirkju hringdu í alla einstaklinga á aldrinum 20 til 60 ára í viðkomandi söfnuði. Ekki man ég lengur hve stórt hlutfall þeirra sem voru viðlátnir og gátu talað í síma þegar hringt var í þau, en ég man að það náðist í stóran hluta hópsins. En þetta var fyrir tíma alvöru almennrar notkunar á netinu.
En þarft að hugsa um þetta. – Endilega lesið pistilinn hans Sigurðar Árna.
