pb.annáll.is

AnnállAkureyrarAkademíanDeutschEvrópa Unga FólksinsJólKirkjanPersónur og leikendurÚr Glerárkirkju

« AkureyrarAkademían – þar sem listir, menning og fræði mætast · Heim · Hvers konar net-foreldri er ég? »

Embætti Æskulýðsfulltrúa Þjóðkirkjunnar verði endurreist

Pétur Björgvin @ 12.49 20/8/12

Að tillögu starfsháttanefndar kirkjunnar var Æskulýðsstarf Þjóðkirkjunnar lagt niður um áramótin 1988 / 1989 eftir um það bil 30 ára farsælt starf. Til varð fræðsludeild Biskupsstofu sem ætlað var að sinna æskulýðsstarfinu ásamt fjölda annarra verkefna. Stöðum æskulýðsfulltrúa sem störfuðu á Austurlandi, Norðurlandi og í Reykjavík var breytt í fræðslufulltrúastöður og Æskulýðsnefnd þjóðkirkjunnar var lögð niður. Rökin voru meðal annars þau að nú væri fjárhagur sókna orðinn það öflugur að margar sóknir væru farnar að ráða til sín æskulýðsfulltrúa auk þess sem að ÆSKR hefði verið stofnað og þangað ráðinn starfsmaður. Breytt lög um sóknargjöld tryggðu sóknum sjálfstæði í æskulýðsmálum á þeim tíma. Þær forsendur brustu 2009 þegar stjórnvöld hófu að skera niður sóknargjöldin langt umfram það sem ríkisstofnanir urðu að sætta sig við.

Ásamt Magneu Sverrisdóttur skrifa ég aðeins um þetta í pistli sem birtist á trú.is.

url: http://pb.annall.is/2012-08-20/embaetti-aeskulydsfulltrua-thjodkirkjunnar-verdi-endurreist/

Athugasemdir

Fjöldi 3, nýjasta neðst

Guðmundur Brynjólfsson @ 20/8/2012 13.36

Sæll félagi

Þetta er góð grein hjá ykkur og tímabær. Í raun þyrfti mann í 100% stöðu hjá Biskupsstofu við það eitt að verja barnastarf kirkjunnar fyrir ómaklegum árásum og dylgjum. Og annað til að verja kirkjuna svona yfirleitt ef út í það er farið. Fyrir svo utan stöðugildi til að efla barnastarfið á landsvísu og næra. Þá eru ótalin þau stöðugildi sem þyrfti að koma á í öllum landsfjórðungum.

Kveðja,
G

Pétur Björgvin @ 21/8/2012 12.01

Sæll Guðmundur og þakka þér viðbrögðin og hlý orð. Held að sókn sé besta vörnin og einmitt með því að endurvekja stöðu Æskulýðsfulltrúa Þjóðkirkjunnar tækjum við skref í þá átt. Vinnum saman að því. Kveðja Pétur Björgvin

Hjalti Rúnar @ 22/8/2012 17.19

Guðmundur, geturðu útskýrt hvað þú hefur í huga þegar þú talar um “ómaklegar árásir” og “dylgjur” gegn barnastarfi ríkiskirkjunnar?


© pb.annáll.is · Færslur · Ummæli